ԼԵՐԴԱԽՈՏ - ԶԱՐՈՇ - ДУБРОВНИК

Բազմամյա խոտաբույս է, պատկանում է խուլեղինջագիների ընտանիքին: Լերդախոտն ունի քւսռակող ցողուններ, որոնք հիմքի մոտ փայտացած են: Տերևները կարճակոթուն են, օվալաձև, հակադիր դասա- կորությամբ, հիմքի մոտ` սեպաձև, վերևի մասում խոշոր ատամնավոր: Ծաղիկները մի քանի հատով հավաքված են վերևի տերևածո- ցերում: Բաժակը կազմված է հինգ բաժակաթերթերից, խողովակաձև է, վարդագույն: Առէջները 4 հատ են, որոնցից երկուսը` ներսայիններն են, ավելի երկար են, քան դրսայինները: Վարսանդը կազմված է երկու պտղաթերթից` վերևի երկբնանի սերմնարանով: Պտուղը չոր է: Բաժակի հատակին կան թափվող չորս սերմեր: Ծաղկում է գարնան վերջից մինչև ամռան վերջերը:
Քիմիական բաղադրությունը: Լերդախոտը պարունակում է եթերայուղ, դառը նյութեր, տանիններ:
Օգտագործման եղանակը: Բժշկության մեջ օգտագործել են ամբողջ բույսը` ծաղկման ընթացքում:
Բուլղարական բժշկության մեջ լերդախոտն օգտագործել են մարսողական ուղու հիվանդությունների, հոդատապի, արյունախխման, հոդացավերի բուժման համար:
Հայկական բժշկության մեջ լերդախոտն օգտագործել են լյարդի բորբոքային հիվանդությունների, ախորժակի բացակայության, գերթթվության, ստամոքսաղիքային ուղու խանգարումների, դիզենտերիայի, զկռտոցի, միզակապության, հոդատապի, հոդացավերի, լեղաքարային հիվանդության, թարախակալված վերքերի, աչքի բորբոքային հիվանդությունների, թութքի բուժման համար:
Այդ պատրաստուկը թրջոցների ձևով կարելի է օգտագործել թութքի, թարախակալված վերքերի, աչքի կոպերի և մազարմատների բորբոքային հիվանդությունների բուժման համար:
20 գ լերդախոտն աղալ, վրան ավելացնել 250 մլ եռացրած ջուր և թողնել 1 ժամ, որից հետո քամել և օրը 3 անգամ 50-ական գ խմել` դիզենտերիայի, գերթթվության, միզակապության, հոդատապի, լյարդի, բորբոքային հիվանդությունների, լեղաքարային հիվանդության, զկռտոցի բուժման համար: