ԱՂԱՎՆԻՃ - VERBENA - ВЕРБЕНА

Պատկանում է աղավնիճազգիների ընտանիքին։ Հայրենիքը Հարավային Ամերիկան է ինչպես նաև Բրազիլիա, Պերու։ Բազմամյա բույս է մեր պայմաններում մշակվում է որպես միամյա։ Բարձրությունը, նայած բուսատեսակներին, տատանվում է 20-45 սմ-ի սահմաններում, ունի բազերանգ հովանոցաձև ծաղիկներ՝ թույլ դուրեկան բուրմունքով։ Հիմնականում օգտագործվում է ծաղկային ձևավորումներում և առանձին խմբավորումներում։ Տնկումը կատարվում է արևոտ տեղերում սննդանյութերով հարուստ հողերում։ Պետք է ոռոգել չափավոր։
V. hybrid Hort. տեսակի և V. h. Mammouth-ի բույսերը տնկում են մեկը մյուսից 25-30 սմ․ հեռավորության վրա, քանի որ ունեն գետնի վրա տարածված երկար ցողուններ։ Այդ տեսակներից ցածր գորգ ստանալու համար անհրաժեշտ է ցողունները փայտե կարթերով ամրացնել գետնին, որի շնորհիվ դրանք անդալիսի նման արմատակալում են։ Ինչ վերաբերվում է V. venosa Gill et Hoork․ տեսակին, որի ծաղիկները միայն կապույտ մանուշակագույն են, միջբուսային տարածությունը տրվում է 20-25 սմ․։ Խոնավությամ նկատմամբ պահանջը մեծ չէ, սակայն ջրի պակասի դեպքում ծաղկումը դադարում է։ Ծաղկումը սկսվում է հունիս ամսից և տեվում է մինչև ուշ աշուն։ Կնճռոտ աղավնիճը V. venosa Gill et Hoork նախորդներին համեմատած ավելի կարճատև է ծաղկում։
Աղավնիճը բազմանում է սերմերով և կտրոններուվ։ Սերմահավաքը կատարելիս չպետք է թողնել, որ ծաղկակոթի վրա սերմապատիճները ամբողջովին բացվեն, քանի որ մինչև վերին պատիճների մեջ եղած սերմերը հասունանան և պատիճները բացվեն, ներքևիներից սերմերը լրիվ կթափվեն։ Ահա թե ինչու, երբ ներքևի սերմնապատիճներից 1-2-ը բացվեն, անհրաժեշտ է կտրել պտղաբույլերը և չորացնել։ Տվյալ դեպքում սերմերը հեշտությամբ հասունանում են և բոլորովին չեն կորցնում իրենց ծլունակությունը։
Սերմերը նման են փոքրիկ փայտիկների, մոտավորապես 3մմ երկարության։ Սերմը հասուն վիճակում դեղին, բաց շագանակագույն է, մեկ ծայրի հաստ մասում ունի փոքրիկ, բաց գույնի ակոսիկ։ Մեկ գրամում պարունակվում է մոտավորապես 350 հատիկ։ Ծլունակությունը պահպանում է 3-4 տարի։ Ցանքը կատարվում է փետրվար մարտ ամիսներին՝ ցանքարկղերի կամ կավաթասերի մեջ։ 18-20 ջերմության դեպքում սերմերը ծլում են 10-14 օրվա ընթացքում։ Ցանքը կարելի է կատարել նաև բաց գրունտում։
Բույսը կտրոններուվ բազմացնելիս, որը երբեմն արվում է ցանկացած գույնի ծաղիկ ստանալու նպատակով, պահվում է լուսավոր մասերում 12-15 գերմության պայմաններում։