ՇԻԿԱՏԱԿ - ՄԱՀԱՄՈՐՄ - ԼՈՒՍՆԻ ԾԱՂԻԿ - КРАСАВКА БЕЛЛАДОННА

Բազմամյա խոտաբույս է, պատկանում է մորմազգիների ընտանիքին: Գլխավոր արմատից դուրս են գալիս բազմաթիվ երկրորդային արմատներ: Շիկատակի ցողունը ուղղաձիգ է, վերևի մասում` ճյուղավորված: Տերևները խոշոր են: Ներքևի տերևները հերթական դասավորվածություն ունեն, իսկ վերևինները դասավորված են զույգերով, որոնցից մեկը մեծ Է, մյուսը` փոքր, ձվաձև, հիմքի մոտ փոքրիկ կոթունով, ամբողջաեզր: Ծաղիկները շագանակագույն են, լինում են միայնակ, կամ մի քանի հատ` տերևածհցերում: Բաժակը հնգաթերթ Է, պտղի մոտ` թելանման: Պտուղը փայլուն է: Շաղկում Է ամռան սկզբից մինչև աշուն:
Քիմիական բաղաղրությունը: Շիկատակի տերևները պարունակում են ալկալոիդ` օհիոսցիամին, ատրոպին, քիչ քանակությամբ ապոատրոպին, բելլադոնին, սկոպոլամինի հետքեր: Արմատները պարունակում են մեծ քանակությամբ կումարին:
Օգտագործման եղանակը: Բժշկության մեջ օգտագործել են տերևներն ու արմատը:
Բուլղարական բժշկության մեջ շիկատակն օգտագործում են թքագեղձերի, քրտնագեղձերի կենսագործունեության խանգարման, ստամոքսահյութի գերարտադրության, աղիքների կծկողականության խանգարման, դանդաղասրտության, ստամոքսի և տասներկումատնյա աղիքի խոցերի, լեղապարկի բորբոքման, լեղաքարային հիվանդության, երիկամների խիթքի, թոքային աղիքների և միզուղիների հիվանդությունների ջղակծկման, տևական հազի բուժման համար:
Հայկական բժշկության մեջ շիկատակն օգտագործել են թոքային խողովակախտի, ստամոքսի և տասներկումատնյա աղիքի խոցերի, լեղաքարային հիվանդության, երիկամների խիթքի, աղիքների և միզապարկի ջղակծկման բուժման համար:
1. 10 գ շիկատակի արմատն աղալ, դրան ավելացնել 1 լ սպիտակ գինի 20 րոպե մեղմ կրակի վրա եռացնել, որից հետո քամել և օրը 3 անգամ 1-ական ճաշի գդալ խմել` դանդաղասրտության, ստամոքսահյութի, թքագեղձերի, աղիքների և միզուղիների ջղակծկման, պարկինսոնիզմի, ստամոքսի և տասներկումատնյա աղիքի խոցերի, թոքային խողովակախտի, երիկամային խիթքի, միզուղիների և լեղապարկի ջղակծկման բուժման համար:
2. Վերը նշված հիվանդությունների ժամանակ կարելի է օգտագործել նաև շիկատակի տերևերի մզվածքը, օրը 3 անգամ 1-ական թեյի գդալ` մեկ թեյի գդալ մեղրի հետ խմելով: